გამოძიება უკვე მიმდინარეობს და ყველანი ველოდებით შედეგებს, – ამის შესახებ განათლებისა და მეცნიერების მინისტრმა მიხეილ ჩხენკელმა ბარათაშვილის ქუჩაზე შენობის ფასადიდან მინის ჩამოვარდნის ფაქტის კომენტირებისას განაცხადა და გარდაცვლილი მოზარდის ოჯახის წევრებს მიუსამძიმრა.
„საშინელი ტრაგედია მოხდა გუშინ. პირველ რიგში, მინდა მთელი გულით მივისამძიმრო გარდაცვლილი ბავშვის ოჯახს, ახლობლებს და მე ისევე როგორც მთელი საზოგადოება, ველით შესაბამისი ორგანოებისგან ტრაგედიის გამომწვევი მიზეზების უსწრაფესად გამოძიებას და შესაბამის რეაგირებას. გამოძიება უკვე მიმდინარეობს და ყველანი ველოდებით შედეგებს“, – განაცხადა ჩხენკელმა.
გუშინ თბილისში, ბარათაშვილის ქუჩაზე შენობის ფასადიდან მინის ჩამოვარდნის შედეგად ექვსი მოზარდი დაშავდა. დაშავებულთაგან ერთი გარდაიცვალა.
კომენტარები