დაველოდოთ სასამართლოს, როდესაც გადაწყვეტილება გაკეთდება, შემდეგ უკვე შეგვიძლია საბოლოო შეფასებები გავაკეთოთ, – ასე გამოეხმაურა საქართველოს პარლამენტის უმრავლესობის ლიდერი არჩილ თალაკვაძე კრწანისის მაჟორიტარი დეპუტატის, თემურ გორგაძის დაკავებას.
“ჩვენთვის ძალიან მნიშვნელოვნია, თუ რა გადაწყვეტილებას მიიღებს სასამართლო. მხოლოდ ამის შემდეგ შემიძლია გავაკეთო შეფასებები. თუმცა, მინდა გითხრათ, რომ ნებისმიერი კანონდარღვევისთვის ჩვენ და ჩვენი თანაგუნდელები, რა თქმა უნდა, გაცილებით მკაცრად აგებენ პასუხს, ვიდრე სხვა მოქალაქეები, ვინაიდან ჩვენ გვაქვს პასუხისმგებლობა იმ პროცესებზე, რომელიც ვითარდება ქვეყანაში. კორუფციისგან თავისუფალი მმართველობა ეს არის ჩვენი ხელისუფლების მიღწევა. ამ მიმართულებით წინა წლებშიც ძალიან ბევრი იყო გაკეთებული და საქართველო, რა თქმა უნდა, არ დათმობს იმ მიღწევებს, რაც აქვს კორუფციასთან ბრძოლაში, მედიასთან თავისუფლების კუთხით, ადამიანის უფლებათა დაცვის მიმართულებით. დაველოდოთ სასამართლოს, როდესაც გადაწყვეტილება გაკეთდება, შემდეგ უკვე შეგვიძლია საბოლოო შეფასებები გავაკეთოთ,”– განცხადა თალაკვაძემ.