ჩვენი მიზანია, განვახორციელოთ საფუძვლიანი და არა ფასადური ცვლილებები, – ამის შესახებ თბილისის მერმა კახა კალაძემ თბილისის მერის პოსტზე საქმიანობის 100 დღის შეჯამებისას განაცხადა.
„100 დღეზე ცოტა მეტი გავიდა მას შემდეგ, რაც ოფიციალურად შევუდექით ჩვენი უფლებამოსილების განხორციელებას. ამ ასი დღის განმავლობაში შეუძლებელია იმ მასშტაბური გეგმების და პროექტების განხორციელება, რომელიც ჩვენ გვქონდა დაგეგმილი, თუმცა საფუძველი უკვე ჩაყრილია, რომ ეს პროექტები მომდევნო წლების განმავლობაში განვახორციელოთ. ჩვენი მიზანია, განვახორციელოთ საფუძვლიანი და არა ფასადური ცვლილებები. სწორედ ამიტომ დავიწყეთ თითოეული მიმართულების შესწავლა, ანალიზის ჩატარება, რათა მტკიცებულებებზე დაფუძნებით შეგვემუშავებინა და გაგვეტარებინა დედაქალაქის მერიისა და თითოეული სამსახურის პოლიტიკა და სტრატეგია“, – განაცხადა კახა კალაძემ.
კახა კალაძე – ჩვენი მიზანია, განვახორციელოთ საფუძვლიანი და არა ფასადური ცვლილებები
2018/03/01 17:43:40
ნანახია: 1011 ჯერ