საპარლამენტო უმრავლესობის წევრი გიორგი გაჩეჩილაძე სოციალურ ქსელში შემდეგი სახის პოსტს აქვეყნებს:
„რუსთავი 2″-ის ვარსკვლავს, ბატონ ვანო ჯავახიშვილს!
ბატონო ვანო, მესმის, რომ ოჯახს რჩენა უნდა, მაგრამ კრიმინალური დაჯგუფება – „ნაცების” მიერ დაკვეთილი, აშკარად შეთითხნილი გადაცემების ფონზე იქნებ ისიც გაიაზროთ ვის და რას ემსახურებით („რუსთავი 2″-ის პატრონებისა და მის სულიერი მამის რუსულ კავშირებზე მერე იყოს!), მაგრამ ახლა, მომავალი გადაცემისთვის გთავაზობთ თქვენი არხის და „ნაცების” ამომავალი ლიდერის ნიკანორ მელიას სპეცსამსახურებთან ურთიერთობის ვიდეომასალას, (სიმონ ნოზაძის გამოსვლა პარლამენტის სხდომაზე – უშიშროების მინისტრის მოადგილე 1998 – 2002 წწ., გენერალ-მაიორი).
ვფიქრობ, ძალიან სასაცილო და ხალხისთვისაც მოსაწონი სიუჟეტი გამოგივათ! გისურვებთ წარმატებას!”, – წერს გაჩეჩილაძე.