საპარლამენტო უმრავლესობის ლიდერმა არჩილ თალაკვაძემ განაცხადა, რომ ჟენევის ფორმატი არის მთავარი საერთაშორისო ინსტრუმენტი, რომ ქვეყანამ მშვიდობიანი გზით შეძლოს ტერიტორიული მთლიანობის აღდგენა და იმ პრობლემების მოგვარება, რაც აქვს რუსეთის ფედერაციასთან, ოკუპაციის თვალსაზრისით.
„საქართველოს ამერიკისა და ევროკავშირიდან აქვს მხარდაჭერა, რომ რუსეთთან მშვიდობიანი გზით მოგვარდეს ოკუპაციის საკითხი, რაც შემდეგ რაუნდებში უფრო აქტიურად განიხილება.
ჩვენ ეს ყველაფერი გვაძლევს საშუალებას, რომ მომდევნო რაუნდზე უფრო აქტიურად დავაყენოთ საკითხი, რათა რუსეთმა შეასრულოს თავისი ვალდებულება ძალის გამოუყენებლობაზე, ასევე, გაიყვანოს ჯარები და შეწყვიტოს ანექსიისკენ მიმართული ნაბიჯები. ნურავის ექნება განცდა, რომ ჩვენი მოქალაქეების მიმართ ჩადენილი დანაშაული დავიწყებას მიეცემა. საქართველო არ დაკარგავს წონასწორობას – ჩვენ განვაგრძობთ განვითარებას”, – განაცხადა არჩილ თალაკვაძემ.