ოკუპირებულ ცხინვალში საქართველოში აშშ-სა და ნატოს პოზიციების განმტკიცებაზე იმსჯელეს. დისკუსიის ფარგლებში განსაკუთრებული ყურადღება დაეთმო საქართველოს მილიტარიზაციის პროცესს, ასევე ოფიციალური თბილისის დაახლოებას აშშ-სა და ჩრდილოატლანტიკურ ალიანსთან. შეხვედრა ცხინვალში მედიაცენტრ ,,ირ”-ში გაიმართა. ამის შესახებ ინფორმაციას “შიდა ქართლის საინფორმაციო ცენტრი” ავრცელებს.
ცხინვალელი ექსპერტი ლან ჯუსოევი აღნიშნავს, რომ ოკუპირებული სამხრეთ ოსეთის მედია ვერ ახდენს მნიშვნელოვან საინფორმაციო გავლენას ვერ ახდენს ვერს კავკასიის და ვერც რუსეთის ფედერაციის მასშტაბით.
“იგივე სიტუაციაა ტატუნაშვილთან დაკავშირებით. სამხრეთ ოსეთის პოზიცია არ ჩანს, მათ შორის, რუსულ მედიაშიც, ძალიან სამწუხაროა. მე მჯერა, რომ ეს ჩვენი ბრალია. ჩემი აზრით, მომავალში სამხრეთ ოსეთი უფრო სერიოზულ საფრთხეებს განიცდის, რაც რეაგირებას საჭიროებს. საფრთხეების გაფართოებისა და გაზრდის პერსპექტივა ძალიან რეალურია. საქართველოს აქვს კარგი ფინანსური მხარდაჭერა დასავლეთისა და საერთაშორისო მედიიდან. ამ ფონზე, სამხრეთ ოსეთის შეხედულებები, ჩვენი პოზიცია არსად ჩანს, მათ შორის რუსულ მედიაში, აღარ ვსაუბრობ საერთაშორისო დონეზე”,- თქვა ლან ჯუსოევმა.
სამხრეთ ოსეთის მედიის როლის შესახებ ცენტრის ხელმძღვანელმა ირინა გაგლოევმაც ილაპარაკა.
“საინფორმაციო პოლიტიკის კონტურები გაურკვეველია. მედიამ არ იცის, როგორ უპასუხოს ამ ან სხვა გამოწვევებს. პრესსამსახურების მუშაობისას პრობლემებიც არსებობს “, – თქვა გაგლოევამ. მედიის ცენტრის პრეზიდენტის განცხადებით, სამხრეთ ოსეთის ომი საქართველოსთან ოფიციალურად დასრულდა 2008 წელს, თუმცა, სინამდვილეში, ეს გრძელდება.
“ჩვენ უნდა შევქმნათ საინფორმაციო პოლიტიკა, ვითანამშრომლოთ ჩრდილოეთ ოსეთთან და ჩრდილოეთ კავკასიასთან, შეიქმნას ასევე ფედერალური მედია. უნდა გაითვალისწინოს, რომ საქართველო ჩრდილოეთ კავკასიაში განზრახ პოლიტიკას ატარებს და ჩრდილოეთ კავკასიის რესპუბლიკაში ჩვენი პოზიცია ინფორმაციის სფეროში არ არის წარმოდგენილი “, – დასძინა მან.
დისკუსიის მონაწილეებმა აღნიშნეს, რომ სამხრეთ ოსეთმა 2008 წლის აგვისტოს ომიდან მიღებული “გაკვეთილები არ უნდა დაივიწყოს”.