ირაკლი კობახიძე – არ ვიცი, კონკრეტულად, რას ეხება პრეზიდენტის ინიციატივა

არ ვიცი, კონკრეტულად რას ეხება პრეზიდენტის ინიციატივა. რა თქმა უნდა, ამით დავინტერესდებით და საჭიროებიდან გამომდინარე, ბუნებრივია, ვითანამშრომლებთ, – ამის შესახებ პარლამენტის თავმჯდომარემ ირაკლი კობახიძემ პრეზიდენტის იმ ინიციატივის კომენტირებისას აღნიშნა, რომლის თანახმადაც, გიორგი მარგველაშვილმა პრემიერსა და პარლამენტის თავმჯდომარეს აშშ-ს მიერ საქართველოს მხარდამჭერი აქტის მიღების ინიციატივასთან დაკავშირებით წერილით მიმართა.
„ამ შემოთავაზების დეტალები არ ვიცი. ამერკის კონგრესში, ისედაც განიხილება ჩვენი მხარდამჭერი დოკუმენტები, მათ შორის, ძალიან მნიშვნელოვანი იყო აშშ-ის კონგრესის მიერ ორი დოკუმენტის მიღება და ასევე ახალი ინიციატივები განიხილება. მე არ ვიცი კონკრეტულად რას ეხება პრეზიდენტის ინიციატივა. რა თქმა უნდა, დავინტერესდებით ამით და საჭიროებიდან გამომდინარე, ბუნებრივია, ვითანამშრომლებთ“, – განაცხადა ირაკლი კობახიძემ.
საქართველოს პრეზიდენტმა პრემიერსა და პარლამენტის თავმჯდომარეს აშშ-ს მიერ საქართველოს მხარდამჭერი აქტის მიღების ინიციატივასთან დაკავშირებით ოფიციალური წერილით მიმართა.