საქართველოს პრეზიდენტი გიორგი მარგველაშვილი კათოლიკური ეკლესიის და ევანგელურ-ლუთერული ეკლესიის, სომეხთა სამოციქულო ეკლესიის მრევლს მაცხოვრის აღდგომას ულოცავს.
„ძვირფასო მეგობრებო, ყველას, ვინც დღეს უდიდეს ქრისტიანულ დღესასწაულს – მაცხოვრის ბრწყინვალე აღდგომას ზეიმობთ, მინდა მოგილოცოთ ეს უდიდესი დღესასწაული. აღდგომა ქრისტიანისთვის უძვირფასესი დღესასწაულია, სულიერი ამაღლებისა და სიკეთის გამარჯვების სიმბოლო. გისურვებთ სიხარულსა და წარმატებას. მწამს, რომ სწორედ ჩვენი სამშობლოს სიყვარული არის და იქნება ჩვენი ოჯახების ბედნიერების, ჩვენი შვილების წარმატებისა და ძლიერი სახელმწიფოებრიობის ურყევი საფუძველი “, – ნათქვამია პრეზიდენტის მილოცვაში.
კომენტარები