თბილისში კიევის ქუჩაზე გაჩენილ ხანძარს ერთი, 71 წლის, მამაკაცის სიცოცხლე ემსხვერპლა. მამაკაცი, რომელიც მძიმე ხარისხის დამწვრობის გამო გარდაიცვალა, იორდანიის მოქალაქე.
მას და კიდევ სამ ადამიანს, რომლებიც ასევე უცხო ქვეყნის მოქალაქეები არიან, კიევის ქუჩაზე სახლი ჰქონდათ ნაქირავები. დაშავებულია ბინაში მცხოვრები კიდევ სამი პირი. ერთ-ერთი მათგანის მდგომარეობა შედარებით მძიმეა. ის დამწვრობის ცენტრში რეანიმაციულ განყოფილებაში გადის მკურნალობას.
როგორც ჟურნალისტებს მეზობლებმა განუცხადეს, დილით ტურისტების ხმამ გააღვიძათ, რომლებიც შველას ითხოვდნენ.
“სახანძროში დავრეკეთ და მალევე მოვიდნენ. უბრალოდ, ცეცხლი ყველაფერს ძალიან მალე მოედო. ტურისტებს ვეკითხებოდით, ყველამ დააღწია თუ არა თავი ხანძარს, თუმცა თვითონაც არ ახსოვდათ, რომ ერთი ასაკოვანი მამაკაცი იყო ოთახში”, – განაცხადა თვითმხილველმა.
ადგილზე მუშაობდა 11 სახანძრო-სამაშველო ბრიგადა. ხანძარი ლიკვიდირებულია.