თბილისის მერია მეტრომანის ბარათების ახალი დიზაინის შესარჩევად დღეიდან კონკურსს აცხადებს.
კახა კალაძის განცხადებით, ახალი ბარათი ქვეყნის დამოუკიდებლობის თემატიკის უნდა იყოს. კონკურსში მონაწილეობის მიღება ნებისმიერ მსურველს შეეძლება.
ესკიზების მიღება დღეიდან დაიწყება და 24 აპრილის ჩათვლით იქნება შესაძლებელი. ამის შემდეგ შესაბამისი კომისია 10 საუკეთესო ნამუშევარს შეარჩევს და საბოლოოდ გამარჯვებული 5 მაისს გამოვლინდება.
თბილისის მერი იმედს გამოთქვამს, რომ კონკურსში ბევრი მსურველი მიიღებს მონაწილეობას.
კომენტარები