საქართველოს პრემიერ-მინისტრი გიორგი კვირიკაშვილი სერჟ სარგსიანს სომხეთის პრემიერ-მინისტრობას ულოცავს. აღნიშნული განცხადება კვირიკაშვილმა სოციალურ ქსელ „ტვიტერზე“ დაწერა.
საქართველოს პრემიერ-მინისტრი სომეხ კოლეგას წარმატებას უსურვებს და იმედოვნებს, რომ ქვეყნებს შორის არსებული ურთიერთობები კიდევ უფრო გაღრმავდება.
„ვულოცავ ჩემს ძვირფას მეგობარს, სერჟ სარგსიანს სომხეთის პრემიერ-მინისტრად არჩევას. დარწმუნებული ვარ, რომ ჩვენს ქვეყნებს შორის არსებული თანამშრომლობა და ერებს შორის მეგობრობა კიდევ უფრო გაღრმავდება და გაძლიერდება“, – წერს გიორგი კვირიკაშვილი.
ყოფილი პრეზიდენტის, სერჟ სარგსიანის კანდიდატურა ქვეყნის პრემიერის პოსტზე მმართველი „რესპუბლიკური პარტიის“ და მისი კოალიციური პარტნიორის, „დაშნაკ ცუტუნის“ საპარლამენტო ფრაქციებმა წარადგინეს. საკანონმდებლო ორგანოში კენჭისყრა დღეს ჩატარდა.