ქართული ოცნება საპრეზიდენტო კანდიდატურას ივლისში ან აგვისტოში წარადგენს, თუმცა ამ ეტაპზე კონკრეტული პიროვნება შერჩეული არ არის. ამის შესახებ პარლამენტის თავმჯდომარემ გადაცემა “არჩევანში” სტუმრობისას ისაუბრა.
“ვვარაუდობ, რომ სადღაც ივლის-აგვისტოში ჩვენ დავასახელებთ პრეზიდენტობის კანდიდატს და ამ მომენტიდან დაიწყება ძალიან აქტიური საპრეზიდენტო კამპანია, მანამდე ტაქტიკური თვალსაზრისით სწორი არ იქნება ჩვენი მხრიდან მისი დასახელება”– განაცხადა ირაკლი კობახიძემ.
წამყვანის კითხვაზე, იქნება თუ არა ეს კანდიდატი ბიძინა ივანიშვილი, პარლამენტის თავმჯდომარემ უპასუხა, რომ ბიძინა ივანიშვილს არ აქვს სურვილი იყოს საპრეზიდენტო კანდიდატი.
კომენტარები