ბესიკ ხარძიანის ქალიშვილი, ქეთი ხარძიანი სოციალურ ქსელში ზვიად კუპრავას და გია უდესიანის ვაჟის შეხვედრას ეხმაურება.
“ამ ბიჭის მამას (კუპრავა ვისაც ხელს ართმევს) მამაჩემის წამებაში ედება ბრალი, მე რა ვქნა? მაინც დავუდგე სარალიძეს გვერდში, როცა ის მამაჩემის მწამებლებს იყენებს გვერდით?!!! მე რომ მამაჩემის მკვლელის დასჯა მოვითხოვო აქციების გამართვის გზით და მისი შვილის მკვლელები დავიყენო დადგება ჩემ გვერდზე? ამიტომაა მის მიმართაც აგრესია. სამწუხაროა მაგრამ ასეა…” – წერს ქეთა ხარძიანი.
შეგახსენებთ, რომ გუშინ ზვიად კუპრავას და გია უდესიანის შვილის შეხვედრის ფოტოები გავრცელდა სოციალურ ქსელში. რაზედაც დღეს “აიპრესთან” კუპრავამ განაცხადა, რომ არ იცის, შეხვდა თუ არა უდესინის შვილს.
“არ ვიცი უდესიანის შვილი იყო, თუ ვისი შვილი იყო, უამრავი ადამიანი მოვიდა ჩემთან. ძალიან ბევრი ადამიანი, მათ შორის უმრავლესობა უცნობი, მე მივდიოდი კონკრეტულ შეხვედრაზე და არა უდესიანის შვილთან შეხვედრაზე, თუ ეს უდესიანის შვილი იყო.” – განაცხადა კუპრავამ. ზვიად კუპრავას ვრცელ კომენტარს ამ თემაზე კომენტარს რამდენიმე წუთში შემოგთავაზებთ.