ზვიად დევდარიანმა თბილისის საქალაქო სასამართლოში 12 პირის წინააღმდეგ სარჩელი შეიტანა. დევდარიანი მათ ღირსებისა და პატივის შელახვას ედავება. ამის შესახებ ლობერალი წერს.
აქამდე უცნობი იყო მათი ვინაობა, ვის წინააღმდეგაც დევდარიანი სარჩელს ამზადებდა. დევდარიანი ამჯერადაც მხოლოდ სარჩელის 8 ადრესატს ასახელებს. ხოლო 4-ის ვინაობის გამხელისგან (მათი, რომლებიც დევდარიანს შევიწროებაში სდებენ ბრალს, კონფიდენციალობის შენარჩუნების მოტივით), თავს იკავებს.
ხოლო ვისაც ასახელებს, ესენი არიან:
თამარ ჩერგოლეიშვილი
ბაია პატარაია
ნინო დანელია
თამარ ყურაშვილი
თამარ კაკაბაძე
იდა ბახტურიძე
ეკატერინე ონიანი
ამასთან ერთად დევდარიანი უჩივის გამოცემა “ტაბულას”.
ზვიად დევდარიანის ადვოკატის, დიმიტრი გაბუნიას თქმით, ნინია კაკაბაძე დაიკითხება როგორც მოწმე და არა როგორც მოპასუხე.
ადვოკატი სახალხო დამცველს მოუწოდებს დროულად დადოს დასკვნა ამ საქმეზე.
სექსუალურ შევიწროებაში დადანაშაულებულმა ზვიად დევდარიანმა 3 აპრილს განაცხადა, რომ სამართლებრივ ბრძოლას იწყებს. ადვოკატი შსს-სგან ზვიად დევდარიანის სასწრაფოდ გამოკითხვას ითხოვდა.
დევდარიანის მიმართ გამოთქმულ ბრალდებებთან დაკავშირებით, შსს-მ 2018 წლის 23 მარტს გამოძიება სსკ-ის 151-ე პრიმა მუხლის პირველი ნაწილით დაიწყო, რაც ადევნებას გულისხმობს.