2018 წლის 5 თვეში პროფესიული პასუხისმგებლობა 116 ექიმს დაეკისრა, აქედან 2-ს კი, სახელმწიფო სერთიფიკატი გაუუქმდა. ამ შესახებ ინფორმაციას “ბიზნესპრესნიუსი” ავრცელებს.
ყველა ამ და სხვა ფაქტს ჯანდაცვის სამინისტროს რეგულირების სააგენტო სწავლობს. უწყების ინფორმაციით, 2018 წლის 1-ლი ივნისის მდგომარეობით, პროფესიული განვითარების საბჭომ 116 ექიმს დააკისრა პროფესიული პასუხისმგებლობა.
მათივე ინფორმაციით, 2017 წელს და 2018 წელს შემოსული საჩივარი/განცხადების შესწავლის საფუძველზე 2 ექიმს გაუუქმდა სახელმწიფო სერთიფიკატი, 11 ექიმს სხვადასხვა ვადით შეუჩერდა სახელმწიფო სერთიფიკატის მოქმედება.
მიმდინარე წლის პირველი ოთხი თვის განმავლობაში, პროფესიული პასუხისმგებლობა 61 ექიმს დაეკისრა. წინა წლის იგივე პერიოდში, წერილობით 24 ექიმი გააფრთხილეს, სახელმწიფო სერტიფიკატის მოქმედება კი, 27 მედიკოსს შეუჩერდა.
საქართველოს ჯანდაცვის სამინისტროს სამედიცინო რეგულირების სააგენტოს ინფორმაციით, გასული წლის განმავლობაში პროფესიული პასუხისმგებლობა 300 ექიმს დაეკისრა.