„მედიამოლის“ ინფორმაციით, „ერთიანი ნაციონალური მოძრაობა“ პარტიის ოთხმა ლიდერმა – ზაზა ბიბილაშვილმა, ხატია დეკანოიძემ, ლევან ვარშალომიძემ და ნინო კანდელაკმა დატოვა. როგორც „მედიამოლისთვის“ ექსკლუზიურად გახდა ცნობილი, პარტიის დატოვების მიზეზი შიდა დაპირისპირება გახდა, კერძოდ, პარტიის ლიდერებისთვის ნიკა მელიას და ნიკოლოზ რურუას ბოლოდროინდელი შეხედულებები მიუღებელია. პარტიაში ოფიციალური განცხადება ჯერ არ გაკეთებულა.
აღნიშნული ინფორმაცია „კვირამ“ ხატია დეკანოიძესთან გადაამოწმა, თუმცა მან აღნიშნული ინფორმაცია კატეგორიულად უარყო.
„დღემდე ვარ პარტია „ნაციონალური მოძრაობის“ წევრი. გარკვეული დროით, მოლდავეთში ვიმყოფებოდი, რადგან ვმუშაობ „პოლიციის რეფორმის“ პროექტზე და ხშირად მიწევს საქართველოს ტერიტორიის დატოვება. როგორც ჩანს, რადგან არ ვჩანდი საქართველოში, ვიღაცამ ჩათვალა, რომ პარტია დავტოვე. ამჟამად, საქართველოში ვარ და გავრცელებული ინფორმაცია, რომ თითქოს პარტია დავტოვე, სიმართლეს არ შეესაბამება“, – განაცხადა ხათუნა დეკანოიძემ.