საფრანგეთში, ერთ-ერთ ფერმაში ქათმებმა მელა მოკლეს. BBC-ის ინფორმაციით, მელა, რომელიც ფრინველების ფერმაში შეპარვას ცდილობდა, ქათმების თავდასხმას ემსხვერპლა.
შემთხვევა გასულ კვირას მოხდა. ქათმების მეურნეობა ქალაქ ბრეტანის ერთ-ერთ აგრარულ სკოლას ეკუთვნის. როდესაც სტუდენტები დილის ტრადიციული შემოწმებისას საქათმეში შევიდნენ, კუთხეში მკვდარი მელიის სხეული აღმოაჩინეს.
ვარაუდობენ, რომ მელია საქათმეში წინა დღეს, საღამოს საათებში შეიპარა და შიგნით მომწყვდეული აღმოჩნდა მას შემდეგ, რაც მზის ჩასვლისას ავტომატურად დაიკეტა კარი, რომელიც სინათლეზე რეაგირებს.
აგრარული სკოლის ფერმაში განთავსებული ქათმების სახლები მთელი დღის მანძილზე ღიაა და ფრინველები დღის ძირითად ნაწილს ღია სივრცეში ატარებენ.
კომენტარები