მინდოდა, იმ ღამესვე დაეკავებინათ ყველა, ვინც მონაწილეობდა იმ პროვოკაციაში”, – ამის შესახებ “ქართული ოცნების” პოლიტიკურმა მდივანმა, საქართველო შინაგან საქმეთა ყოფილმა მინისტრმა და ყოფილმა პრემიერმა ირაკლი ღარიბაშვილმა ტელეკომპანია “პირველის” ეთერში საუბრისას განაცხადა. ღარიბაშვილმა 20 ივნისის ღამეს განვითარებულ მოლენებზე საუბრისას აღნიშნა, რომ “ნაციონალური მოძრაობა” ჩამოყალბდა ძალიან საშიშ ორგანიზაციად, ეს არის რადიკალური, ტერორიზმისკენ გადახრილი ორგანიზაცია ძალიან საშიში გამოვლინებებით.
“ნაცმოძრაობა ჩამოყალბდა ძალიან საშიშ ორგანიზაციად, ეს არის რადიკალური, ტერორიზმისკენ გადახრილი ორგანიზაცია ძალიან საშიში გამოვლინებებით. სახელმწიფო ვერ და არ დაუშვებდა ვერანაირ პრეცედენტს. ყველა ის პირი, ვინც ამ ძალიან საშიშ პროვოკაციაში მონაწილეობდა სახელმწიფოს წინააღმდეგ, უნდა იყოს უმკაცრესად დასჯილი, მე ამის მომხრე ვარ, მე მომხრე ვიყავი და ვარ, იმავე ღამეს მომხდარიყო ყველას დაკავება, ვინც მონაწილეობდა იმ ბინძურ პროვოკაციაში, მათ შორის, იმ აგრესიული 200 თუ 300 ადამიანის,”– განაცხადა ირაკლი ღარიბაშვილმა ტელეკომპანია “პირველი” ეთერში საუბრისას.
ირაკლი ღარიბაშვილის განცხადებას სამოქალაქო აქტივისტი ლიკა გამრეკელი “ფეისბუქის” პირად გვერდზე გამოეხმაურა:
“მაგიტომაც უყვარხარ მთელს ქვეყანას… გაგახსენებთ მეგობრებო, რომ ღარიბაშვილის შინაგან საქმეთა მინისტრობის დროს, დაიჭირეს მართლაც რომ პირსისხლიანი ვანო მერაბიშვილი და რომ არა ირაკლი ღარიბაშვილის მკაცრი რადიკალური გადაწყვეტილება, კიდე ბევრი “ნაციონალი” არ იჯდებოდა დღეს ციხეში!” – დაწერა გამრეკელმა სოციალურ ქსელში.