ზუგდიდში სოფელ რუხში, მომხდარი ავტოსაგზაო შემთხვევის შედეგად 30 წლის ახალგაზრდა მამაკაცი დაშავდა. ის საავადმყოფოში მიყვანიდან რამდენიმე წუთში გარდაიცვალა.
თვითმხილველების ინფორმაციით, მაღალი სისწრაფით მოძრავი მოტოციკლი, საპირისპირო მხარეს მომავალ სატვირთოს შეეჯახა. დაშავებული ახალგაზრდა ზუგდიდის რეფერალურ ჰოსპიტალში, სასწრაფო დახმარების ბრიგადამ უგონო მდგომარეობაში შეიყვანა.
ადგილზე მობილიზებული იყო საპატრულო პოლიციის ეკიპაჟები.
გამოძიება 276-ე მუხლის მე-2 ნაწილით არის დაწყებული.
კომენტარები