საქართველოს ეროვნულმა ნაკრებმა მადრიდში რაგბი ევროპის ჩემპიონატის მეორე შეხვედრა გამართა. „ბორჯღალოსნები” ესპანეთის ნაკრებს დაუპირისპირდნენ და ანგარიშით 23:10 დაამარცხეს.
პირველი ტაიმი ბორჯღალოსნების გამარჯვებით, 23:5 დასრულდა. ორი ლელო შალვა მამუკაშვილმა გაიტანა, ერთი კი აკაკი ტაბუცაძემ. თედო აბჟანდაძე გუნდს წარმატებული ჯარიმებით და გარდასახვით დაეხმარა.
მეორე ტაიმში კი ესპანელებმა ლელო ბოლო წუთზე გაიტანეს.
რაგბი ევროპის ჩემპიონატის სპონსორია „თიბისი“. მატჩის პირდაპირ ტრანსლაციას კი ტელეკომპანია „იმედი” ექსკლუზიურად ახორციელებდა. შემდეგ შეხვედრას „ბორჯღალოსნები“ ბელგიის ეროვნული ნაკრების წინააღმდეგ, ქუთაისში გამართავენ.
კომენტარები