საფრანგეთის ჯანდაცვის მინისტრი ოლივიე ვერანი მოქალაქეებს მოუწოდებს კორონავირუსით დაინფიცირების პრევენციის მიზნით ხელები ხშირად დაიბანონ.
„დაიბანეთ ხელები რაც შეიძლება ხშირად, ყოველ საათში. დაიბანეთ ხელები ადამიანებთან კონტაქტის შემდეგ. ეს სასარგებლო ზომაა კორონავირუსის გავრცელების წინააღმდეგ ბრძოლაში“, – განაცხადა საფრანგეთის ჯანდაცვის მინისტრმა.
ოლივიე ვერანმა ასევე აღნიშნა, რომ „კორონავირუსის გავრცელება და გადადება ხელების მეშვეობით უფრო ხდება, ვიდრე ნერწყვის ან წვეთოვანი გზით“.
„დაინფიცირების უმეტესი შემთხვევა ხელით კონტაქტის შედეგად დადგა. ხელების დაბანა საუკეთესო საშუალებაა ვირუსის გავრცელების პრევენციისთვის“, – დასძინა მან.
კომენტარები