დღეს საქართველოში უამრავ ადამიანს აქვს გაციების სიმპტომები. დღეს არის გრიპის სეზონი და ასევე სხვა რესპირაციული დაავადებების სეზონი ჯერ არ დამთავრებულა, – ამის შესახებ ჟურნალისტებს დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განუცხადა.
მას შეკითხვა დაუსვეს გურჯაანის მუნიციპალიტეტის ერთ-ერთი სოფლიდან 2 თვის ბავშვის ინფექციურ საავადმყოფოში გადაყვანაზე.
„ვისაც საქართველოში ტემპერატურა აღენიშნება და წამოახველებს, ყველა თუ იფიქრებს, რომ კორონავირუსია, ეს არის უბრალოდ პანიკის დათესვის მცდელობა“, – აღნიშნა იმნაძემ.
გურჯაანის მუნიციპალიტეტის ერთ-ერთი სოფლიდან 2 თვის ბავშვი ინფექციურ საავადმყოფოში გადაიყვანეს, – ინფორმაცია ,,ქრონიკას” საზოგადოებრივი ჯანდაცვის ეპიდემიოლოგმა, მარინა კაპანაძემ დაუდასტურა.
კომენტარები