მე არ ვპანიკობ და არც საზოგადოება მინდა პანიკაში ჩავაგდო, უბრალოდ სიმართლე უნდა ვუთხრათ იმასთან დაკავშირებით, რომ არსებული ვითარება აისახება ქვეყნის ეკონიმიკურ განვითარებაზე და ის 100 მილიონი, რომელიც ფონდში ბიძინა ივანიშვილმა გადარიცხა, დაგვეხმარება სხვადასხვა მიმართულებით. პირველ რიგში დავეხმარებით იმ ადამიანებს, ვისაც ყველაზე მეტად უჭირთ და იმ ოჯახებს, რომლებიც ყველაზე მეტად დაზარალდნენ– ამის შესახებ თბილისის მერმა გადაცემა „ღია ეთერში“ განაცხადა.
ამასთან, კახა კალაძემ საერთაშორისო პარტნიორებს მხარდჭერისთვის მადლობა გადაუხადა.
„მთავრობა, ფინანსთა სამინისტრო და კონკრეტულად ფინანსთა მინისტრი ბევრს მუშაობენ იმისთვის, რომ მოხდეს გრანტების წამოღება, მოხდეს დამატებით თანხების მოზიდვა იმისთვის, რომ დავეხმაროთ ჩვენს ეკონომიკას. გარდა ამისა, ბიუჯეტიდან მობილიზდება 2 მილიარდამდე იმისთვის, რომ ხელი შევუწყოთ იმ სექტორს, რომელიც ყველაზე მეტად დაზარალდა“- განაცხადა კახა კალაძემ.