“პაკისტანის საერთაშორისო ავიახაზების” კუთვნილი Airbus A320, რომელიც ქალაქ ლაჰორიდან მიფრინავდა, კარაჩიში, მჭიდროდ დასახლებულ ზონაში ჩამოვარდა, ინფორმაციას BBC ავრცელებს.
ბორტზე 91 მგზავრი და ეკიპაჟის 8 წევრი იმყოფებოდა. ადგილობრივი ჯანდაცვის სამინისტროს ინფორმაციით, სულ მცირე 11 ადამიანი გარდაიცვალა, თუმცა შიშობენ, მსხვერპლის რაოდენობა გაიზრდება. გავრცელებული ინფორმაციით, ავიაკატასტროფას სულ მცირე 1 მგზავრი გადაურჩა.
მომხდარის მიზეზი ჯერჯერობით უცნობია.
კომენტარები