ნაცმოძრაობის” “მთავარი არხი” კი ხარობს, ხარობს იმით რომ იქნებ ეს ამბავი გამოდგეს არეულობის მოსაწყობად, იქვე ახალ სიბინძურეს იგონებს, რომ თითქოს ამ ამბავში ბერა ივანიშვილის სამეგობროა გარეული”,-ასე გამოეხმაურა სოციალურ ქსელში ექსპერტი ლევან ნიკოლეიშვილი 19 წლის ფეხბურთელის, გიორგი შაქარაშვილის გარდაცვალებასთან დაკავშირებით “მთავარი არხის” ეთერში გასულ სიუჟეტს.
“იცით სიბინძურე როდისა ყველაზე აუტანელი, როდესაც არა მარტო სუნი ასდის, არამედ როცა ყველასთვის საზიზღარი და მიუღებელია, როცა ყოველგვარ ზღვარს სცილდება, როდესაც ყველაფერი არეულია ერთმანეთში და ძალიან, ძალიან საზიზღრად გამოიყურება. სწორედ ასე გამოიყურება უკვე “მთავარი არხის” ან კი არის საერთოდ ტელეარხი ? სიუჟეტები განსაკუთრებით ბოლო დროს – გაბუნიას სკანდალური მოკვლა არ შედგა, მას სწორედ ის საძულველი სახელმწიფო იცავს, რომელსაც ასე ხშირად ლანძღავს. კორონავირუსმა საქართველოში ხალხი ვერ გაწყვიტა, თუმცა მანამდე მაღალკვალიფიციურ ექიმებს ლანძღვა და ტალახის სროლა არ მოაკლეს, მათივე მოთხოვნილ საარჩევნო სისტემის ცვლილებას ხმას არ აძლევენ. უფრო მეტიც, აგერ ნათელაშვილმა გერმანიის ელჩს ივანიშვილის მოსყიდულ დაფინანსებული უწოდა. რა ჰქვია ამას, ფსიქიური შეურაცხადობა თუ მავნებლობა თუ სიგიჟე?
იქით მათი ბელადი სააკაშვილი გვაოცებს პერიოდულად -აღმაშენებლთან თავის ურცხვი შედარებებით. თითქოს აღარაფერი არ უნდა გაგიკვირდეს, მაგრამ ეს ხომ “ნაცები” და მათი ბოროტი ინსტრუმენტი გვარამიაა. წარმოიდგინეთ ხალხი შეძრულია ახალგაზრდა გიორგი შაქარაშვილს სიკვდილით, ოჯახს როგორი ტრაგედია დაატყდა თავს, მტერსაც რომ არ უსურვებს კაცი. პოლიციამ, რომელსაც უმოქმედობაში ადანაშაულებს მთავარი არხი, 17 ადამიანი დააკავა, აქტიურად მიმდინარეობს საგამოძიებო მოქმედებები, “ნაცმოძრაობის” “მთავარი არხი” კი ხარობს, ხარობს იმით რომ იქნებ ეს ამბავი გამოდგეს არეულობის მოსაწყობად, იქვე ახალ სიბინძურეს იგონებს, რომ თითქოს ამ ამბავში ბერა ივანიშვილის სამეგობროა გარეული, იქნებ რამენაირად ივანიშვილების ოჯახის დისკრედიტაცია მოახდინონ. იცით რა არის მთავარის მთავარი ჭირი და უბედურება? ნებისმიერ ფასად არეულობა მოახდინონ, ნებისმიერი სიბინძურე თქვან, გამოიყენონ ადამინების ტრაგედია, გაწირონ საკუთარი თანამშრომლები ან თუნდაც ნებისმიერი ადამიანი, ოღონდ ხალხი დაზაფრონ, ოღონდ ხალხი შეაშინონ, მაგრამ, არა, არ გაგივათ – სწორედაც რომ ხალხი გამოგიტანთ განაჩენს არჩევნებზე და დაასრულებს ამ სიბინძურეს”,-წერს ლევან ნიკოლეიშვილი სოციალურ ქსელში.