ქუთაისის ლაბორატორიაში გასული 24 საათის განმავლობაში სპეციალისტებმა 374 ბიოლოგიური ნიმუში გამოიკვლიეს. მათგან „კოვიდ-19“ ერთ პირს დაუდასტურდა. ამის შესახებ საქართველოს პირველ არხს დაავადებათა კონტროლის იმერეთის სამმართველოს უფროსმა, გოჩა გიორგიძემ განუცხადა.
გიორგიძის ინფორმაციით, კვლევა იმერეთის რეგიონში არსებულ სამედიცინო დაწესებულებებში მოთავსებულ პაციენტებს, მედპერსონალს, კარანტინიდან გამსვლელ პირებს და სხვა სამიზნე ჯგუფებს ჩაუტარდათ.
კომენტარები