ეს აჩვენებს ერთ რამეს, რომ მთლიანი ოპოზიცია შეკრა ერთმა გამონათქვამმა – ცალ ფეხზე დგომა, რომელიც ასე მოერგო ჩვენს რადიკალურ ოპოზიციას, – ასე გამოეხმაურა პარლამენტის თავმჯდომარე შალვა პაპუაშვილი სალომე სამადაშვილის განცხადებას, რომლის თანახმად, 2020 წლის არჩევნების შემდგომი პერიოდისგან განსხვავებით, დღეს ევროკავშირის განწყობაა, რომ არჩევნები გაყალბდა.
„ცალ ფეხზე დგომა არის მათი წესი და ნირი. სინამდვილეში ეს არის ხალხი, რომელიც ვერ გამოვიდა საბჭოთა აზროვნებიდან, მათ უბრალოდ მოსკოვი ჩაანაცვლეს ბრიუსელით, ან სხვა დედაქალაქით. როგორც საბჭოთა კავშირის დროს ელოდებოდა ზოგიერთი ინსტრუქციებს მოსკოვიდან, ახლა ელოდებიან ინსტრუქციებს ბრიუსელიდან. 21-ე საუკუნეში საბჭოთა მენტალიტეტის ხალხი არის რადიკალურ ოპოზიციაში, რომელსაც აქვს ჩვეულებრივი, ცალ ფეხზე მდგომი მონური მენტალიტეტი. ასე რომ, ამას ხედავს ჩვენი საზოგადოება და იმიტომაც არიან ისინი მუდმივი ლუზერები არჩევნებში“, – აღნიშნა პაპუაშვილმა.