მიდიან ყველანაირი პროვოკაციებზე. უკვე ერთმანეთშიც ვეღარ ერკვევიან და ვეღარ თანხმდებიან რა ბანერი უნდა წამოწიონ წინ და რა ბანერი არ უნდა წამოწიონ. რაღაცებს თვითონ აზიანებენ, მერე სხვა აბრალებენ, – განაცხადა „ხალხის ძალის“ აღმასრულებელმა მდივანმა, პარლამენტის დროებითი საგამოძიებო კომისიის წევრმა გურამ მაჭარაშვილმა ბარათაშვილის ხიდზე ბანერის დაზიანებასთან დაკავშირებით.
მისი თქმით, რადიკალების თითოეული წევრი გაშიფრულია და არავისთვის არის უცხო, რომ მათი ე.წ. აქციები დაფინანსებულია და მართული.
„გაშიფრულია თავიდან ბოლომდე ეგრეთ წოდებული ვითომ აქციის მონაწილეების და ვითომ სამოქალაქო სექტორის პროტესტი. თავიდან ბოლომდე არის დაფინანსებული. სამწუხარო მოცემულობა ეს არის, მაგრამ ასეა, ეს ძალადობრივი აქციები. მიდიან ყველანაირი პროვოკაციებზე. ხომ ხედავთ, უკეთ ერთმანეთშიც ვეღარ ერკვევიან და ვეღარ თანხმდებიან რა ბანერი უნდა წამოწიონ წინ და რა ბანერი არ უნდა წამოწიონ. რაღაცებს თვითონ აზიანებენ, მერე სხვა აბრალებენ“, – განაცხადა გურამ მაჭარაშვილმა.
ცნობისთვის, „საქართველო აღარავის დაემონება“ – ბარათაშვილის ხიდზე ბანერი ორმა ადამიანმა ბასრი საგნით დააზიანა. „ქრონიკის“ ინფორმაციით, ერთ-ერთი ოპოზიციის მხარდამჭერი და საპროტესტო აქციების მონაწილე ლალი კეკუაა, თუმცა ის მომხდართან კავშირს უარყოფს.