ბრაზილიის ფეხბურთის კონფედერაციის (CBF) პრეზიდენტმა, ედნალდო როდრიგესმა კარლო ანჩელოტის ბრაზილიის ნაკრების მთავარ მწვრთნელად დანიშვნის შესახებ განაცხადა.
კონტრაქტი 2026 წლის მსოფლიო ჩემპიონატამდეა გათვლილი. იტალიელი სპეციალისტი მოამზადებს ეროვნულ გუნდს ივნისში დაგეგმილი მსოფლიო ჩემპიონატის შესარჩევი მატჩებისთვის ეკვადორისა (6 ივნისი) და პარაგვაის (11 ივნისი) ნაკრებების წინააღმდეგ.
„კარლო ანჩელოტის ბრაზილიის ნაკრების ხელმძღვანელად მოწვევა სტრატეგიულ ნაბიჯზე მეტია. ეს არის განაცხადი მსოფლიოსთვის, რომ ჩვენ მტკიცედ გადაწყვეტილი გვაქვს, დავიბრუნოთ პირველი ადგილი კვარცხლბეკზე. ისტორიაში უდიდესი მწვრთნელი ახლა პლანეტის უდიდეს ეროვნულ ნაკრებს ხელმძღვანელობს. ერთად ჩვენ ბრაზილიური ფეხბურთის ახალ დიდებულ თავებს დავწერთ“, – განაცხადა როდრიგესმა.
კომენტარები