არანაირ უხერხულობას არ მიჩენს მე არც 5-იანი და არც სხვანაირი ნომერი. მე ნომერი არ ვარ, მე ვარ კახა ოქრიაშვილი. მე ვარ ბოლო და ყველაზე მაგარი მაჟორიტარი, – ამის შესახებ პოლიტიკოსმა „იმედის კვირასთან“ საუბარში განაცხადა. „ნაცმოძრაობიდან“ „ქართულ ოცნებაში“ გადასულმა და ცოტა ხნის წინ კვლავ უკან დაბრუნებულმა დმანისის მაჟორიტარობის კანდიდატმა აღნიშნა, რომ 2012 წელს გავრცელებული ციხის კადრების შემდეგ „ენმ-ში“ ვერ დარჩებოდა, თუმცა ახლა ძველი გუნდი მისთვის კვლავ მისაღებია.
„ახლა „ნაციონალურ მოძრაობას“ ისეთი გეგმები აქვს, ემთხვევა ჩემ გეგმებს. აღიარა მიშამ და ახლა ბოდიშებს იხდის“, – განაცხადა ოქრიაშვილმა.
კახა ოქრიაშვილმა „ქართული ოცნებიდან“ წასვლის გადაწყვეტილება პარტიის მაჟორიტარი დეპუტატობის კანდიდატების წარდგენიდან რამდენიმე დღეში მიიღო. ის „ნაციონალურ მოძრაობას“ შეუერთდა, რის შემდეგაც ოქრიაშვილის მხარდამჭერთა რიგებს თითქმის ყოველდღე ათობით ადამიანი ტოვებს.