ნეპალელი ალპინისტების ჯგუფი აღმოჩნდა პირველი, რომელმაც ზამთარში დალაშქრა მსოფლიოს მეორე უმაღლესი მწვერვალი K2, – ამის შესახებ Euronews-ი წერს.
ალპინისტებმა მწვერვალს ნეპალის დროით 17:00 საათზე მიაღწიეს. ზამთრის განმავლობაში, K2-ზე ქარის სიჩქარე 200 კმ/სთ-საც კი აღწევს, ტემპერატურა კი 60 გრადუსამდე შეიძლება დაეცეს. ამის გამო, ის ზამთრის სეზონზე არავის დაულაშქრავს.
მთასვლელთა გუნდი 48 წევრისგან შედგებოდა. ისინი 4 ბანაკად იყვნენ დაყოფილი.
K2-ს, იგივე ჩოგორის სიმაღლე 8 611 მეტრია ზღვის დონიდან. მდებარეობს პაკისტანში (ტახკორღანის ტაჯიკური ავტონომიური ოლქი) და ყარაყორუმის მთათა სისტემას ეკუთვნის, ჰიმალაის დასავლეთით.
კომენტარები