როგორც ჩანს, „ნაციონალურმა მოძრაობამ“ და „ევროპულმა საქართველომ“ საპარლამენტო არჩევნების შემდეგ საფრთხე იგრძნეს ახალი ოპოზიციური პარტიებისგან, – ამის შესახებ საპარლამენტო უმრავლესობის წევრმა, რატი იონათამიშვილმა განაცხადა.
მისი თქმით, „ნაციონალურს მოძრაობას“ და „ევროპულ საქართველოს“ ყოველთვის არასახელმწიფოებრივი მიდგომა და პრინციპები ჰქონდათ.
„როგორც ჩანს, „ნაციონალურმა მოძრაობამ“ და „ევროპულმა საქართველომ“ საპარლამენტო არჩევნების შემდეგ ყველაზე მეტად იგრძნეს საფრთხე ახალი ოპოზიციური პარტიებისგან და ეს საპარლამენტო ბოიკოტი სინამდვილეში მიზნად ისახავდეს სწორედ მათ რეპუტაციულ დაზიანებას და სხვას არაფერს. ჩვენ ეს არ გვიკვირს, რადგან მათ ყოველთვის არასახელმწიფოებრივი მიდგომა და პრინციპები ჰქონდათ“, – განაცხადა რატი იონათამიშვილმა.
იაგო ხვიჩიამ განაცხადა, რომ „ლელოს“ და ვაშაძის პარტიას შეთანხმება უნდათ, „ევროპულ საქართველოს“ – არა. ის ასევე აცხადებს, რომ „გადაწყვიტეს, ჯერ ყველას ერთად დაველაპარაკოთ და მერე სათითაოდ შევხვდეთ იმ ხალხს, რომლებიც არ არიან დესტრუქტორები და ხელს არ გვიშლიან საუბრის დროს“.