აშშ-ის ყოფილმა პრეზიდენტმა, დონალდ ტრამპმა Facebook-სა და Instagram-ზე თავისი ანგარიშების დაბლოკვის გადაწყვეტილება გაასაჩივრა.
საჩივარს სამეთვალყურეო საბჭო განიხილავს, რომელსაც დანიის ყოფილი პრემიერ-მინისტრი, ჰელე ტორნინგ-შმიდტი ხელმძღვანელობს და რომელიც ყოფილი პოლიტიკოსებისგან, ჟურნალისტებისა და აკადემიკოსებისგან შედგება.
სამეთვალყურეო საბჭოში დაადასტურეს, რომ დონალდ ტრამპის ანგარიშებთან დაკავშირებით გასაჩივრების მოთხოვნა მიიღეს.
როგორც დანიის ყოფილმა პრემიერ-მინისტრმა განაცხადა, სამეთვალყურეო საბჭოს გადაწყვეტილების მისაღებად 90 დღე ეძლევა.
Facebook-ის ადმინისტრაციამ დონალდ ტრამპის ანგარიში ვაშინგტონში 6 იანვარს განვითარებული მოვლენების შემდეგ განუსაზღვრელი ვადით დაბლოკა.
კომენტარები