ქსელში გადართვების გამო, 28 თებერვალს ელექტრომომარაგება დროებით შეიზღუდება. ამის შესახებ ინფორმაციას კომპანია „თელასი“ ავრცელებს.
„დიდუბის და საბურთალოს რაიონებში ქსელში გადართვების გამო, 13:00 საათიდან 14:00 საათამდე შეზღუდვა შეეხება: აღმაშენებლის ხეივნის (ნაწილობრივ), სამხედრო გზატკეცილის, ქართულ-ამერიკული მეგობრობის გამზირის, დიღმის სასწავლო მეურნეობის, დიღმის მასივის I კვარტლის, აკაკი ბელიაშვილის, გვირილების, გიორგი პაპაშვილის, დისევის, ჯონ (მალხაზ) შალიკაშვილის, ჯორჯ ბალანჩინის და ლუბლიანას ქუჩების მოსახლეობას.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება“,-აღნიშნულია „თელასის“ მიერ გავრცელებულ ინფორმაციაში.
კომენტარები