გარდა COVAX პლატფორმისა, ჩვენ „ნოვავაქსთან“ და მის მწარმოებელთან გვაქვს პირდაპირი მოლაპარაკება დამატებითი დოზების მიღებასთან დაკავშირებით, – ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე განაცხადა.
მისი თქმით, დარწმუნებულია, რომ რასაც COVAX-ი იყო შეპირებული, ვაქცინის იმ დოზებს ქვეყანა მალე მიიღებს.
„გუშინ მივიღეთ შემოთავაზება COVAX-იდან ახალი ვაქცინის შესახებ, „ნოვავაქსი“ განთავსდება ორი თვის შემდეგ ამ პლატფორმაზე და გვეკითხებიან, მზად არის თუ არა მის მისაღებად საქართველო. ეს არის ინოვაციური ვაქცინა, რომელსაც საქართველო მიიღებს. გარდა COVAX პლატფორმისა, ჩვენ „ნოვავაქსთან“ და მის მწარმოებელთან გვაქვს პირდაპირი მოლაპარაკება დამატებითი დოზების მიღებასთან დაკავშირებით. რაც შეეხება Pfizer-ს, იქნება სატელეფონო საუბარი და დარწმუნებული ვარ, იმ დოზებს, რასაც COVAX იყო შეპირებული, ქვეყანა მალე მიიღებს“, – განაცხადა ამირან გამყრელიძემ.