შპს „თბილსერვის ჯგუფი“ დედაქალაქში, სანიაღვრე ჭების სახურავების მოპარვის გახშირებულ შემთხვევებზე განცხადებას ავრცელებს.
მათი ინფორმაციით, აღნიშნულ ფაქტთან დაკავშირებით, უკვე დაწყებულია შესაბამისი საგამოძიებო მოქმედებები.
„სამწუხაროდ, ბოლო პერიოდის განმავლობაში, დედაქალაქის მასშტაბით, სანიაღვრე ჭების სახურავების მოპარვის არაერთი შემთხვევა დაფიქსირდა. ღია ჭები საფრთხეს უქმნის, როგორც ქვეითად მოსიარულეებს, ასევე, ავტომანქანების მძღოლებს.
აღნიშნულ ფაქტთან დაკავშირებით, უკვე დაწყებულია შესაბამისი საგამოძიებო მოქმედებები.
გამოძიების პარალელურად, „თბილსერვის ჯგუფის“ თანამშრომლების მიერ ჭების დახურვის პროცესი მიმდინარეობს“, – ნათქვამია „თბილსერვის ჯგუფის“ მიერ გავრცელებულ ინფორმაციაში.
კომენტარები