რა თქმა უნდა, ჩვენ ახლა ყველა მუნიციპალიტეტში მოვიგებთ არჩევნებს, მეორე ტურს. ტყუილად ირჯებიან დესტრუქციული ოპოზიციის წარმომადგენლები, ვერც ერთ ქალაქში ვერ იმარჯვებენ, ეს ვიცით წინასწარ კვლევებით, გამოკითხვებით, – ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა.
მთავრობის მეთაურის თქმით, ცენტრალურ მთავრობას თიანეთში და ყველა მუნიციპალიტეტში, უამრავი პროექტი აქვს გაკეთებული.
„რა თქმა უნდა, ჩვენ ახლა ყველა მუნიციპალიტეტში მოვიგებთ მეორე ტურებს, ტყუილად ირჯებიან ეს დესტრუქციული ოპოზიციის წარმომადგენლები. ვერც ერთ ქალაქში ისინი ვერ იმარჯვებენ, ეს ჩვენ ვიცით წინასწარ კვლევებით და გამოკითხვებით. რა თქმა უნდა, ჩვენ გვჯერა ჩვენი მოსახლეობის გადაწყვეტილების. საჭიროა მეტი კოორდინაცია, მეტი აქტიური მუშაობა სამხარეო ადმინისტრაციასთან, ცენტრალურ მთავრობასთან. ცენტრალურ მთავრობას თიანეთში და ყველა მუნიციპალიტეტში, უამრავი პროექტი აქვს გაკეთებული. როგორ წარმოგიდგენიათ, რომ მერი იყოს ოპოზიციონერი, ჯიბრში ედგეს საკუთარ ხალხს, საკრებულოს, მით უმეტეს, თიანეთში საკრებულოს უმრავლესობა ჩვენ ხელში და სხვა მუნიციალიტეტებსაც ეხება ეს, რა თქმა უნდა, საბოლოო ჯამში ეს შეაფერხებს ჩვენი ქვეყნის განვითარებას“, – განაცხადა ირაკლი ღარიბაშვილმა.