“მიხეილ სააკაშვილი მოიხდის სასჯელს ისე, როგორც სხვა პატიმრები,” – განაცხადა თბილისის მერმა კახა კალაძემ ჟურნალისტებთან საუბარში, ახალქალაქის და კუმურდოს მიტროპოლიტის, ნიკოლოზ ფაჩუაშვილის ინიციატივაზე კომენტირებისას.
მისივე თქმით, ქვეყანაში არანაირი პოლიტიკური კრიზისი არ არის და კრიზისი მხოლოდ “ნაციონალურ მოძრაობაშია”.
„პოლიტიკური კრიზისი გააჩნია „ნაციონალურ მოძრაობას”. ქვეყანაში არანაირი პოლიტიკური კრიზისი არ არსებობს. მიხეილ სააკაშვილი არის მსჯავრდებული, მას აქვს მისჯილი კონკრეტულ დანაშაულებზე და მოიხდის სასჯელს ისე, როგორც ყველა პატიმარი,”- განაცხადა კალაძემ.
ცნობისთვის, ახალქალაქისა და კუმურდოს ეპარქიის მიტროპოლიტი, მეუფე ნიკოლოზ ფაჩუაშვილი ინიციატივით გამოდის, საქართველოს მესამე პრეზიდენტი მიხეილ სააკაშვილი შინაპატიმრობაში იყოს, რისთვისაც საკუთარ ეპარქიას გამოყოფს.