ჩემი აზრით, „ლელოს“ პოლიტიკიდან წასვლა უნდა და კარგ გზას ეძებს ამისთვის და ხელს ნუ შევუშლით, – ასე გამოეხმაურა „გირჩის“ ლიდერი, იაგო ხვიჩია „ლელოს“ ინიციატივას.
„გინდა დეპოლარიზაცია – უნდა მიიღო ახალი პოლიტიკური შემადგენლობა, ახალი პარლამენტი და ასე მიხვიდე ევროპელებთან: ჩვენ ჩვენი საშინაო დავალებები შევასრულეთ, ახლა ამ კონფიგურაციით ვარსებობთ ქართული პოლიტიკური სპექტრი და მაზად ვართ, რასაც გვეტყვით შევასრულებთ“, – აღნიშნა იაგო ხვიჩიამ.
ოპოზიცია ტრადიციულად, პარლამენტიდან გასვლით იმუქრება. ამჯერად მუქარის ავტორი „ლელოა“. მიუხედავად იმისა, რომ მმართველ გუნდს რეკომენდაციების შესრულებაზე განაცხადი უკვე გაკეთებული აქვს და კონკრეტულ გეგმაზე მუშაობს, „ლელოში“ ამბობენ, რომ თუ „ქართული ოცნება“ სამ ივლისამდე კონკრეტულ ნაბიჯებს არ გადადგამს, „ლელოს“ საქმიანობა საკანონმდებლო ორგანოსა და საკრებულოებში ჩვეულებრივ რეჟიმში ვერ გაგრძელდება.