მინდა შეგახსენოთ ყველას, რომ თარიღი 8 აგვისტო არასოდეს გამხდარა განხილვის საკითხი. ყოფილი ხელისუფლების წარმომადგენლები აქ ყოველთვის 8 აგვისტოს ამოდიოდნენ, – ასე უპასუხა ირაკლი ღარიბაშვილმა კითხვას იმის შესახებ თუ რატომ ადიან ხელისუფლების წარმომადგენლები მუხათგვერდის სასაფლაოზე 8 და არა 7 აგვისტოს. პრემიერმა მედიის წარმომადგენლებს თარიღებთან დაკავშირებითსპეკულაციებისგან თავის შეკავებისკენ მოუწოდა და აგვისტოს ომში წინა ხელისუფლების პასუხისმგებლობაზე ისაუბრა.
„მთავარი არის შემდეგი – თქვენ ტელევიზიების დე ფაქტო მფლობელის, ყოფილი პრეზიდენტი სააკაშვილის უგუნურმა პოლიტიკამ, მისმა გაუთვლელმა პროვოკაციულმა ნაბიჯებმა განაპირობა ის, რომ მათ თავიდან ვერ აიცილეს ომი. ეს იყო სააკაშვილის და მისი გუნდის ღალატი. მათ გაწირეს ჩვენი ქვეყანა, გაწირეს ჩვენი ხალხი, გაწირეს ჩვენი სამხედროები“, – განაცხადა ღარიბაშვილმა.