რაღაცების გათვალისწინება რომ მოხდეს, ელემენტარული მსჯელობა გაიმართოს, ამას სჭირდება პროცესში ჩართულობა. ვიღაცა ქუჩიდან რაღაცას დააბრეხვებს ერთ დღეს, მერე მეორე გამოდის და საერთოდ რადიკალურად განსხვავებულ განცხადებას აკეთებს, მესამე გამოდის და ამბობს, რომ ვადამდელი არჩევნები უნდა ჩატარდეს. აბსოლუტურად გაურკვეველია მათი ქმედებები, – ამის შესახებ თბილისის მერმა კახა კალაძემ გადაცემა „იმედი live“-ში ისაუბრა.
„ჩვენმა გუნდმა არაერთხელ გამოთქვა სრული მზადყოფნა იმისთვის, რომ დავმსხდარიყავით, შეიძლება არავის სიამოვნებს ოპოზიციასთან დაჯდომა და რაღაც თემების განხილვა, მაგრამ ეს სჭირდება ჩვენს ქვეყანას და ეს კარგად გვაქვს ჩვენ გათვითცნობიერებული. კარგად გვესმის ის მინიშნებები და მესიჯები, რაც მოდის ჩვენი პარტნიორების მხრიდან. ჩვენ ამის მზაობა გვაქვს, მაგრამ ეს ცალმხრივი ვერ იქნება. ამას სჭირდება ოპოზიციის მხრიდან მზაობა და თუ მათ აქვთ რაიმე წარმოსადგენი, ეს შეიძლება იმ სამუშაო ჯგუფში განიხილოს, რომელზეც პარლამენტში ჩვენი გუნდი საუბრობდა“, – განაცხადა კახა კალაძემ.