პრემიერის თქმით, ის ქვეყნის ენერგეტიკული განვითარების ხედვას რამდენიმე კვირაში წარადგენს. ამის შესახებ ირაკლი ღარიბაშვილმა ჟურნალისტებთან საუბრისას განაცხადა.
„გვქონდა მრავალთვიანი მოლაპარაკება სავალუტო ფონდთან. ბოლო წლებს განმავლობაში BPA-ს პროგრამა შეჩერებული იყო. ამან გარკვეულწილად შეაფერხა ინვესტიციების შემოდენა ენერგეტიკის ერთ-ერთი ინიციატივა, რაც მე ეკონომიკურ გუნდში გავაჟღერე და რაზეც დავიწყეთ მუშაობა სწორედ ამ BPA-ს განახლება იყო. წარმატებით დავასრულეთ მოლაპარაკება საერთაშორისო სავალუტო ფონდთან და მინდა მათ მადლობა ვუთხრა. ასევე ვნახეთ, რომ მათ საკმაოდ წარმატებული დასკვნა დადეს.
სულ რაღაც რამდენიმე კვირაში წარვუდგენ საზოგადოებას ენერგეტიკის განვითარების ჩვენს გეგმას. იცით, რომ ჩემი დავალებით ყველა უწყება 10-წლიანი განვითარების გეგმა აქვს გაკეთებული. ენერგეტიკის შემთხვევაში დეტალურად არის გაწერილი რამდენი მეგავატის ჰიდროჰესების მშენებლობა შეგვიძლია, რამდენიმე მეგავატის ქარის, მზის სადგურების და ეს ყველაფერი წარმოდგენილი იქნება უახლოეს 2-3 კვირაში, მაქსიმუმ ნოემბრამდე“, – განმარტა პრემიერმა.