რუსეთის საგარეო საქმეთა სამინისტროს პრესსპიკერის, მარია ზახაროვას თქმით, უკრაინელი ქალებისთვის რეალური საფრთხე არა რუსეთიდან, არამედ ევროპიდან მოდის, სადაც, მისივე მტკიცებით ბოლო დროს გახშირდა უკრაინელი ლტოლვილების მიმართ სექსუალური ძალადობის შემთხვევები.
გარდა ამისა, ზახაროვა ამტკიცებს, რომ ოლენა ზელენსკამ, უკრაინის ყოფილმა ომბუდსმენმა ლუდმილა დენისოვამ და გაეროს გენერალური მდივნის სპეციალურმა წარმომადგენელმა, რუსი ოკუპანტები უსაფუძვლოდ დაადანაშაულეს უკრაინელი ქალების გაუპატიურებაში და მათი სიტყვები უბრალოდ სიცრუეა.
“უკრაინელ ქალებს რეალური საფრთხე არა რუსეთიდან, არამედ ევროპიდან ემუქრებათ. შვედეთის თანასწორობის სამინისტრომ გამოაქვეყნა განცხადება, სადაც პირდაპირ წერია, რომ უკრაინელი ლტოლვილები სულ უფრო ხშირად ხდებიან სუტენიორობისა და სექსუალური მონობის მსხვერპლი…” – წერს ზახაროვა.
ზახაროვა, საკუთარ ტელეგრამ არხზე წერს, რომ მსგავს შემთხვევებზე გაერო და ადამიანის უფლებათა სტრუქტურები დუმს, რადგან მათ წესებში “რეალურ ჰუმანიტარულ პრობლემაზე ყურადღების გამახვილება არ შედის”.