“ისინი იყვნენ საქართველოდან ჩამოსული ბიჭები, რომლებიც უკრაინისთვის იბრძოდნენ, ბიჭები ალყაში აღმოჩნდნენ და ტყვეობაში ჩაბარებაზე უარი თქვეს”, – ამის შესახებ „ქართული ეროვნული ლეგიონის“ მეთაურმა, მამუკა მამულაშვილმა ტელეკომპანია “ესპრესოს” ეთერში თქვა.
“ქართველი მოხალისეები ბახმუტთან ალყაში მოქცევის შემდეგ დაიღუპნენ. ისინი იყვნენ საქართველოდან ჩამოსული ბიჭები, რომლებიც უკრაინისთვის იბრძოდნენ მოხალისეთა ბატალიონის – “კარპატების სიჩის” შემადგენლობაში. ბიჭები ალყაში აღმოჩნდნენ. მათ ტყვედ ჩაბარებაზე თქვეს უარი. რუსებმა მათ საარტილერიო ცეცხლი გაუხსნეს. უკრაინაში ომის დროს საქართველოდან უკვე 33 მოხალისე დაიღუპა. საქართველომ უკრაინის მხარდაჭერას მრავალი სიცოცხლე შესწირა“, – თქვა მამულაშვილმა.
მისი თქმით, ქართველი მებრძოლების დაღუპვის შემდეგ, საქართველოდან კიდევ უფრო მეტი მოხალისე ჩავა რუსეთის წინააღმდეგ საბრძოლველად.
“საქართველო კარგად იცნობს სიტუაციას, რომელიც უკრაინაში შეიქმნა. ქართული საზოგადოება მხარს უჭერს უკრაინას და თანაუგრძნობს ყველა უკრაინელს”, – დასძინა მამულაშვილმა.
4 დეკემბერს ბახმუტთან ექვსი ქართველი მოხალისე დაიღუპა.