ოთხმა ევროპულმა ქვეყანამ ირანის წინააღმდეგ დაწესებული სანქციების მოხსნისთვის მზადყოფნა გამოთქვა, – ამის შესახებ „როიტერი“ წერს.
ევროპის ოთხმა წამყვანმა ქვეყანამ – გაერთიანებულმა სამეფომ, საფრანგეთმა, გერმანიამ და იტალიამ განაცხადა, რომ მზად არიან ირანის წინააღმდეგ დაწესებული სანქციების მოხსნის საკითხი განიხილონ, თუ თეირანი ბირთვულ პროგრამასთან დაკავშირებით შესაბამის ნაბიჯებს გადადგამს.
აღნიშნული ქვეყნების ლიდერებმა ერთობლივ განცხადებაში აღნიშნეს, რომ სანქციების გაუქმება, შესაძლოა, პასუხი გახდეს ირანის მხრიდან ბირთვულ სფეროში განხორციელებულ ვალდებულებებზე მას შემდეგ, რაც აშშ-მა და ირანმა ომის დასრულების შესახებ შეთანხმებას მიაღწიეს.
„ირანმა არასოდეს უნდა მოიპოვოს ბირთვული იარაღი. ჩვენ მზად ვართ, ამ მიზნის მისაღწევად ვითანამშრომლოთ შეერთებულ შტატებთან, ირანთან და ატომური ენერგიის საერთაშორისო სააგენტოსთან (IAEA)“, – ნათქვამია განცხადებაში.