პესტიციდებისა და აგროქიმიკატების ფასის სახელმწიფო რეგულირების წესისა და პირობების დარღვევისთვის პასუხისმგებლობა წესდება. შესაბამისი ცვლილებები პარლამენტის ბიუროს დღევანდელ სხდომაზე წარედგინა.
ცვლილებებით, ერთი მხრივ, განისაზღვრა ის, რომ პესტიციდებისა და აგროქიმიკატების ფასს სახელმწიფო დაარეგულირებს, მეორე მხრივ კი, ჯარიმები წესდება.
კერძოდ, კანონპროექტის მიხედვით, პესტიციდებისა და აგროქიმიკატების ფასის სახელმწიფო რეგულირების წესისა და პირობების დარღვევა პირველ შემთხვევაში გამოიწვევს – ბიზნესოპერატორის გაფრთხილებას, განმეორების შემთხვევაში კი, 5 000 ლარით დაჯარიმებას.
კანონპროექტით კონკრეტდება, რომ სამართალდარღვევის პირველი გამოვლენიდან 12 თვის განმავლობაში მესამედ და მეტჯერ დარღვევის განმეორება – 30 000 ლარით დაჯარიმებას გამოიწვევს.
მთავრობა განმარტავს, რომ ცვლილებების შედეგად, შემცირდება პესტიციდებისა და აგროქიმიკატების ფასების თვითნებური ზრდისა და არამართლზომიერი ფასთწარმოქმნისშემთხვევები და დაცული იქნება ფერმერებისა და საბოლოო მომხმარებლების ეკონომიკური ინტერესები.