უკრაინის პრეზიდენტმა ხელი მოაწერა ეროვნული უსაფრთხოებისა და თავდაცვის საბჭოს განკარგულების გადაწყვეტილებას, სანქციების შემოღების შესახებ იმ იურიდიული და ფიზიკური პირებისთვის, რომლებსაც რუსეთი სამხედრო ტექნიკისა და ჯარის სარკინიგზო ტრანსპორტირებისთვის იყენებს.
„დღეს მე ხელი მოვაწერე განკარგულებას ეროვნული უსაფრთხოებისა და თავდაცვის საბჭოს გადაწყვეტილების შესრულებას, სანქციების შესახებ იმ იურიდიული და ფიზიკური პირების მიმართ, რომლებსაც აგრესორი სახელმწიფო იყენებს სამხედრო ტექნიკის და ჯარისკაცების სარკინიგზო ტრანსპორტით გადასაყვანად“, – განაცხადა ვოლოდიმირ ზელენსკიმ საღამოს ვიდეომიმართვაში.
მისი ინფორმაციით, საუბარია 185 კომპანიასა და ფიზიკურ პირზე.
“მათი აქტივები უკრაინაში დაბლოკილია და არსებული ქონება ჩვენი თავდაცვისთვის იქნება გამოყენებული”- თქვა ზელენსკიმ და აღნიშნა, რომ იმუშავებენ რათა, მსგავსი გადაწყვეტილება სხვა ქვეყნებმაც მიიღონ.