ლიეტუვის პრეზიდენტი გიტანას ნაუსედა მიიჩნევს, რომ ჩინეთი მხარს უჭერს რუსეთს უკრაინასთან ომში, მიუხედავად იმისა, რომ პეკინი ცდილობს ნეიტრალური სამშვიდობო შუამავლის როლი ითამაშოს. ამის შესახებ ნაუსედამ Euronews-თან ინტერვიუში განაცხადა.
მისი თქმით, ჩინეთის როლი უკრაინის წინააღმდეგ რუსეთის ომში ახლა უფრო დესტრუქციულად გამოიყურება, ვიდრე კონსტრუქციულად და მისთვის რთულია პეკინის წარმოდგენა ნეიტრალურ შუამავლად.
„სამწუხაროდ, ვხედავ ჩინეთის მიზანს – გაგრძელდეს ეს ომი და კიდევ უფრო სისხლიანი გახდეს. ასეთ ვითარებაში ჩინეთი მხარს უჭერს რუსეთს ფარული თუ ღია ფორმით“, – განაცხადა ნაუსედამ.
კომენტარები