ბრიტანეთის საგარეო საქმეთა მინისტრმა, ჯეიმს კლევერლიმ განაცხადა, რომ ლონდონი ხედავს რუსეთის დივერსიულ აქტივობებს მოლდოვაში, მაგრამ რესპუბლიკის ინტერესების დაცვის საუკეთესო ვარიანტად სამხედრო დახმარებას არ მიიჩნევს.
ამის შესახებ მან კიშინიოვში განაცხადა. კლევერლის დღეს ასევე თბილისში ელოდებიან.
„ჩვენ მტკიცედ გვჯერა, რომ რუსეთის თავდასხმისგან მოლდოვის დაცვის ერთ-ერთი საუკეთესო გზაა უკრაინელების დახმარება, წინააღმდეგობა გაუწიონ რუსეთის აგრესიას. კულისებს მიღმა რუსულ მავნებლურ ქმედებებს საქართველოსა და მოლდოვაზე უკეთესად არავინ იცნობს. დიდი ბრიტანეთი უმოქმედოდ არ იქნება იმ დროს, როდესაც რუსეთი გამაოგნებლად ძირს უთხრის დემოკრატიას, სუვერენიტეტსა და ტერიტორიულ მთლიანობას“, – განაცხადა დიპლომატმა.
დღეს ასევე ცნობილი გახდა, რომ დიდი ბრიტანეთი მოლდოვას და საქართველოს ფინანსურ დახმარებას გაუზრდის, რადგან “ისინი დესტაბილიზაციას განიცდიან, რომელიც გამოწვეულია პუტინის უკრაინაში უკანონო შეჭრით“.