რუსეთის პრეზიდენტი, ვლადიმერ პუტინი ოკუპირებულ ყირიმში ჩავიდა. კრემლის ლიდერის ვიზიტი სევასტოპოლში, ყირიმის ნახევარ კუნძულის ანექსიის მეცხრე წლისთავზე შედგა. ოკუპანტი ქვეყნის პრეზიდენტს ყირიმში რუსეთის მიერ დანიშნულმა, ე.წ. გუბერნატორმა უმასპინძლა.
პუტინის ვიზიტს უკრაინის საგარეო საქმეთა სამინისტრო გამოეხმაურა.
„დროებით ოკუპირებული ყველა ტერიტორიის გათავისუფლება აუცილებლად მოხდება“, – ნათქვამია უწყების მიერ გავრცელებულ განცხადებაში და აღნიშნულია, რომ 9 წლის წინ რუსეთმა ყირიმის სტატუსის შესახებ უკანონო რეფერენდუმი ჩაატარა, ხოლო 18 მარტს მისი უკანონო ანექსია მოახდინა.
კომენტარები